Vínfélagið kaupir flest vínumboð Vínekrunnar og styrkir stöðu sína

Vínfélagið hefur keypt flest öll vínumboð af Vínekrunni og tekur við sem umboðsaðili frá og með 1. Júlí 2016.  Vínekran sem er í eigu frakkans Stéphane Aubergy hefur verið einn sterkasti innflytjandi á frönskum gæðavínum um 15 ára skeið og verið einn af brautryðjendum í innflutningi á lífrænum vínum. 

Um er að ræða þekkt vörumerki eins og Chapoutier, Pujol, Francois d‘Allaines, Les Frères Couillaud, Mas du Soleilla, Kientz ofl. en vín frá þessum framleiðendum hafa verið á boðstólum í Vínbúðunum, Fríhöfninni og nokkrum veitingahúsum.

Með þessum kaupum styrkir Vínfélagið sig verulega og getur nú boðið upp á mjög sterkt vínúrval frá Frakklandi, ásamt Ítalíu og fleiri löndum, en áætlað er að velta Vínfélagsins tvöfaldist með þessum kaupum.

Vínekran verður áfram með umboð fyrir eftirfarandi framleiðendur Champagne Drappi, Cidre Lemasson, og Vedrenne.